قصص الانبياء آدم عليه السلام

السلام عليكم و رحمة الله و بركاته ومرحبا بكم مع الأنبياء عليهم السلام

و هنبدأ بقصة سيدنا آدم عليه السلام

احم احم

أكيد أنتوا عارفين ان في البداية ربنا كان لوحده وكان لسة مخلقش اي شي من خلقة لا ماء ولا هواء ولا أرض ولا سماء ولا ليل ولا نهار ولا شموس ولا اقمار

وانتوا عارفين بقي ان ربنا اذا اراد شئ يقول له كن فيكون .. كن أيها التراب إنسان .. كن أيها الماء بحرا .. وهكذا ....

ربنا سبحانه وتعالي قادر علي كل شئ مفيش اي حد في الكون دا يقدر يعجز ربنا لان كل شئ مطيع له ومسخر بأمره

المهم ربنا بقي خلق الريح وخلق الماء ثم جعل عرشه علي الماء .... ربنا خلق الارض اولا وخلاها قطعه واحدة ومتصلة ببعضها ثم ارتفع الي السماء وامرها بأن تصبح سبع سموات طباقا فوق بعضيها وبين كل سما والتانيه خمسمائة عام ... يا الله

وجه الدور ع الارض بقي وخلاها مكوره زي البيضه وخلي فيها الانهار وشق البحار و ثبت الجبال عشان تحافظ ع توازن الارض وخلق الليل وكان الكون مظلم اوي اوي اوي مفيهوش نور ولا نهار !!

فربنا سبحانه وتعالي امر الشمس بأن تشرق .. وأمر القمر بأن ينير .. وأمر النجوم بأن تظهر ..فسطعت الشمس و أنار القمر و تلألأت النجوم و طلع النهار ليشهد الكون النور لاول مرة والشمس اشرقت ثم غربت ليأتي الليل فيحل الظلام تاني بقي والنجوم تتطلع كدا ف الليل و تتلالأ وتنور والقمر يظهر زي العروس وسط النجوم طبعا

بعد كدا ربنا استوي علي عرشه وكانت الملائكة حواليه بيسبحوه ويقدسون له زي ما بيعملوا كل يوم

المهم ربنا سبحانه وتعالي قال للملايكة "اني جاعل في الارض خليفة "
فتعجبت الملائكة كلها وسألو ربنا سبحانه وتعالي ..
" أتجعل فيها من يفسد فيها ويسفك الدماء .. ونحن نسبح بحمدك و نقدس لك "؟؟

اصل الملايكة دول ربنا علمهم انه لو خلق علي الارض خلق هيفسدوا الارض و شوية منهم هيكفروا بربنا و....

فقال لهم الله تعالي .. "إني اعلم مالا تعلمون "

راحت املائكة رضيب بقي بحكمة ربنا وانصرفوا بقي راحو يسبحوا بحمدلله ويقدسوه زي ما كانوا بقي
وربنا كان اراد ان يخلق المخلوق اللي هيسكن الارض .. ذلك المخلوق هو ..
 #آدم

الحلقة_الاولي
#سيدنا_آدم. عليه السلام

وقفنا ف المرة اللي فاتت لما ربنا أراد ان يخلق المخلوق الذي سيسكن الأرض وهذا المخلوق هو #سيدنا_آدم

ربنا سبحانه وتعالي جاب شوية طين كدا منتوع من كل انواع الطين اللي موجود علي الارض منها الاحمر والابيض والاسود والاصفر عشان كدا احنا بنشوف الناس منهم الاحمر والاسمر والابيض الطيب والخبيث
بعد كدا بقي ربنا سبحانه وتعالي صور الإنسان وكان عبارة عن جسد من الطين يعني مش بيتحرك خالص ليه ؟! عشان لسه مفيهوش روح اصلا

المهم :-
الطين دا نشف وجف كدا وبقي عامل زي الصلصال ..فالملائكة لما شافت هذا المخلوق تعجبت بقي لانهم مخلوقون من النور ولانهم لم يروا مثل ذلك المخلوق من قبل .... علي عكس إبليس اللي كان قاعد بيفكر " إية المخلوق دا يا تري "
أكيد طبعا انتوا عارفين مين ابليس دا .. دا الشيطان ومخلوق من النار وكان عايش مع الملايكة وكان شبههم في العبادة والتسبيح
لكن الملايكة عشان هما طيبين اوي يا خال. افتكروه علي خير وهو اصلا حقود وشرير من جواه لما شاف آدم لم يخاف مثلهم لا خالص قعد يفكر "لاي امر خلقت ايها الصلصال وقرب منه ودخله من فمه و شافه اجوف "فاضي" من جوة
وطبعا بقي إبليس اتغر اوي كدا و راح قال للملايكة اية ما تخافوش الملايكة ولا عبروه
بس كانت الغيرة والحسد هيموتوه من كتر ما بيحقد علي هذا المخلوق اللي محدش عارف حقيقته لغاية الوقت ....

بعد كدا بقي جه الوقت اللي ربنا اراد فيه ان ينفخ الروح في آدم و الملايكة وقفت معاه صفا صفا
فقال لهم الله تعالي : " اذا نفخت فيه من روحي فقعوا له ساجدين "
طبعا الملايكة استجابوا لأامر ربنا الا ابليس رفض واتكبر و قعد يقول " اية دا انا اسجد للمخلوق دا لا لا ازاااي دانا اتخلقت من النار و هو اتخلق من الطين و الطين يجي اية جنب النار "
ربنا سبحانه وتعالي بقي نفخ في آدم من روحه فصار لحما ودما

المهم :-
للعلم بقي اول حااجة دخلت فيها الروح .. عيون سيدنا آدم وشاف جسده وعجبه أوي من حسنه وجماله .. آدم كان عظيم الجسد و طوله ٦٠ ذراع وكان جميل الخلق لان ربنا هو اللي خلقه و صوره بإيده وسماه #آدم عارفين ليه ..!! عشان اتخلق من اديم الارض "التراب يعني " بعد كدا آدم كان عايز يقف علي رجله بس كانت لسة موصلتش لها الروح . بعد كدا وصلت لكل انحاء جسده فوقف. و اول ما دخلت راسه. #عطس
فربنا ألهمه إنه يقول الحمدلله وطبعا بكدا كان آدم اول من حمد الله تعالي
فرد عليه تعالي : يرحمك الله
والملايكة سجدت اكراما لآدم إلا ابليس رفض واتكبر و كان من الكافرين
فقال له تعالي : " ما منعك ان تسجد إذ امرتك " ؟!
فرد إبليس : " انا خير منه .. خلقتني من نار وخلقته من طين "
فقال له تعالي : " فاهبط منها ~من الجنة يعني ~ فما يكون لك ان تتكبر فيها فاخرج انك من الصاغرين "
فرد ابليس : " أنظرني الي يوم يبعثون " ~ يعني اتركني ليوم القيامة ~
فقال له تعالي : " انك من المنظرين "
فرد ابليس : " فبما اغوتني لاقعدن لهم صراطك المستقيم ثم لأتينهم من بيد ايديهم ومن خلفهم وعن إيمانهم و عن شمائلهم ولا تجد اكثرهم شاكرين "
قفال له تعالي : " اخرج منها مذموما مدحورا لمن اتبعك منهم لاملأن جهنم منكم أجمعين "

طبعا هنا ابليس كان بيتبجح مع ربنا وكان بيهدد ذرية آدم بانه هيضلهم يعني هيضلهم وهيخليهم كفار. ويكفروا بالله وربنا وعده بالنار هو و من اتبعه

بعد كدا ابليس اتطرد من رحمة الله فعشان كدا اسمه رجيم .. و خرج علي طاعة ربنا عشان كدا اسمه شيطان .. وربنا غضبان عليه عشان كدا اسمه لعين

وبعديها بقي ربنا سبحانه وتعالي أمر آدم : إذهب الي هؤلاء الملائكة فقل لهم السلام عليكم
فالملايكة بقي ردوا عليه .. وعليكم السلام ورحمة الله وبركاته

فرجع لربنا تاني بقي .. فقال له تعالي " هذه تحيتك وتحية ذريتك "

طبعا بقي سيدنا آدم كان ذكي جدا اول ما سمع ربنا بيقوله تحيتك وتحية ذريتك قعد يفكر كدا ورد وقال "يا ربي ما ذريتي "
هنعرف فيما بعد
بحث وتجميع
#Aya_Mohamed_Saad